Demokracija o lek utscheder latschipe le manuschipestar hi. Amen ande jek than dschijas, kaj naphandle völiniptscha del taj o manuscha lengero gondo ar te vakerel troman. Akceptanca taj respekto o basisakere koji jeke mirne khetanatschipestar hi. O burgenlanditiko thaneskero talalinipe o vodschi la demokracijatar ando Burgenland hi taj andar 36 demokratischi völime rotscha khetan pe bescharel. Ojs thaneskeri talalinipeskeri presidentkija barikano hi mange, hot o patschajipe ando burgenlanditiko thaneskero talalinipe bajder soraljardo ol. Vaschoda jek barikano aunpaschlojipe hi mange, hot amen pedar partajtschengere granici khetan upre putriptscha butschalinas. Mro cil hi, adale khetane dromenge te pomoschinel taj upre len te sikal.
O burgenlanditiko thaneskero talalinipe na likerel tschak i barikani historija taj tradiciji amare thanestar, ov te barikano le virtschoftlichi taj khetanipeskere upre uschtavipeske amare thanestar terdschol. O tschatschiptscha taj pheniptscha, save adaj ando lejcti deschberschengere kerde ule, le Burgenland use jek angle sikajipeskero than kerde. O Burgenland ande but thana andi cili Europa jek idol hi.
O thaneskero talalinipe jek than hi, savo jek ando maschkarutno punkto terdscharel taj amen pedar o partajtschengere granici khetan phandel: o kamipe la politikake. Taj ada kamipe kama me tumenge prik te del. Me akarav tumen, keren tumenge jek kipo pedar i buti le thaneskere talalinipestar. Tumen o schajipe hi, jek thaneskero talalinipeskero beschipe kher te rodel vaj use jek vodinipe use te ol. Amen tumare phutschajiptschenge mindig adaj sam.

Mag.^a Astrid Eisenkopf
Presidentkija le burgenlanditike thaneskere talalinipestar