Erklerinipeskere videjovtscha

Upre aja rik barikan taj loke hajojipeskere informaciji pedar i politik taj i demokracija pasche te anel kamaha.

Phutschlal tu tut imar jefkar, so demokracija hi?

Vaj sar o thaneskero talalinipe butschalinel taj so odoj kerdo ol? Tu te kamel dschanes, sar tschatschiptscha kerde on vaj so völiniptscha hi taj sar odola tel naschen. Use amende tu upre odola phutschajitscha o latsche palvakeriptscha lakes!

Amen o upredipe amenge dijam, politik te erklerinel, kaj le sako te hajol – barikano o tschave taj o terne. Ande amare erklerinipeskere videjovtscha terne pedagogkiji taj pedagogtscha pedar o tematscha vakeren, save amenge sa barikane hi. Jek aunpaschlojipe hi amenge, hot politik tschak hajojim, hatek ham te barikani hi! Vaschoda khetan ando barikano them la demokracijatar tel usinas, phare alava ande loke koji erklerinas taj sikavas, sar tu jek falato jeke demokratischi khetanipestar ojs. Lak amenca, so butschol, ande jek demokracija te dschil, sar völiniptscha tel naschen taj sar te tu politik schaj keres. Amare loke erkleriniptschenca tu sik use jek demokracijakero-eksperto ojs!

O videjovtscha le schtudentschendar andar i PPH Burgenland kerde ule!

Kesdinas – muk amen khetan o them la politikatar aun te dikel