O burgenlanditiko thaneskero talalinipe o centrali than la demokracijatar ando Burgenland hi. Ov andar 36 demokratischi völime rotscha khetan pe bescharel. O thaneskero talalinipe o tschatschipeskero dipeskero organ le thanestar hi taj ov te barikane kontrolakere tschatschiptscha kerel.
Ande ada papruschengero nevipe na laken tumen tschak but dschanipe pedar o burgenlanditiko thaneskero talalinipe, tumen te informaciji pedar o keripe le Burgenlandistar, pedar i historija le thaneskere kherestar taj te pedar o khetanbescharipe la burgenlanditika thaneskera regirungatar laken.
Demokracija jek barikano koja hi. Vaschoda mange ojs presidentkija le thaneskere talalinipestar barikano hi, kaj tumaro usekerinipe usi demokracija meg feder soraljardo ol. Jek falato use kerel o demokracijakero angledschajipe le thaneskere talalinipestar. Tumen te o schajipe hi, o cile thaneskere talalinipeskere beschiptscha online pedar o live-stream te dikel. Tumen ham te schaj use jek thaneskero talalinipeskero beschipe vaj use jek vodinipe use on. Me loschanav man upre tumaro kherodipe.
Avre informaciji laken tumen upri website le burgenlanditike thaneskere talalinipestar telal www.bgld-landtag.at.
Vodschikan,
Mag.a Astrid Eisenkopf
Presidentkija le burgenlanditike thaneskere talalinipestar