Thaneskeri talalinipeskeri presidentkija

Ando 6to feberi 2025 i Mag.a Astrid Eisenkopf le rotschendar usi presidentkija le burgenlanditike thaneskere talalinipestar völim uli. Palo botakero phendo le burgenlanditike thaneskere talalinipestar la presidentkija le thaneskere talalinipestar adala butja hi:

• I presidentkija upre dikel, kaj o pativ taj o tschatschiptscha le thaneskere talalinipestar and likerde te on, ando thaneskero talalinipe o butja kerde te on taj o keriptscha nisaj upre ispidipeha kisetim on.
• I presidentkija o than, i dijeskeri punktschengeri lista taj o duripe sakone beschipestar le thaneskere talalinipestar ari iste del. Oj i anglebeschaschkija hi, o keriptscha vodinel, o beschiptscha pral taj kisetinel.
• Oj vodinel o botakero phendo taj upre leskero andlikeripe dikel, phenel ko te vakerel tromal, phutschajiptscha uso telschtiminipe phutschel taj o resultato ari del.
• I presidentkija o prikdipe barikane keriptschengere kojendar le komitejenge kerel.
• Lake o tschatschipe hi, o cile lila, save ando thaneskero talalinipe ande an, aun te lel taj ar te ulal.
• La presidentkija mindig o tschatschipe hi, völiniptscha taj uprediptscha upri dijeskeri punktschengeri lista te terdscharel.
• Oj vodinel o khereskero tschatschipe taj upre iste dikel, kaj mirnipe ando beschipeskero baro kher taj ando khera le thaneskere talalinipestar te del. La te o tschatschipe hi, o beschipe upre 48 ori ar te bescharel vaj te kisetinel. 
• I presidentkija le thaneskere talalinipe taj leskere komiteji ando pradipe fatretinel. Oj lila telal pisinel, save andar o thaneskero kher ari dschan.